أسما شريف منير ترد على منتقدي زواجها الثالث
ردت الإعلامية أسما شريف منير على الانتقادات التي وُجهت لها بعد حديثها عن زواجها للمرة الثالثة، مؤكدة أنها لم تبرر زواجها وإنما شاركت رحلتها الشخصية.
أسما شريف منير ترد على منتقدي زواجها الثالث
وردّت أسما على متابعة انتقدتها عبر خاصية القصص القصيرة على "إنستغرام" وقالت: "شكرًا على رأيك، رغم الأسلوب غير اللائق فيه، بس خليني أوضحلك كام حاجة يمكن تفيدك وتخفف شوية من الحدة اللي جواكي".
وأشارت: "الجواز مش ميثاق غليظ بس، الجواز كمان سكينة ومودة ورحمة، ولو ما توفرتش الحاجات دي بيبقى من الحكمة إن الإنسان يعيد اختياراته مش يتمادى في غلط المجرد يرضي الناس".
وتابعت: "أنا ما بررتش إني اتجوزت أنا شاركت رحلة شخصية يمكن واحدة تانية تستمد منها أمل أو تتعلم منها حاجة مش معنى إنك إنتي أو غيرك مش شايفين ده مهم، يبقى مش مهم".
وأوضحت: "احترامك للستات اللي ربوا ولادهم لوحدهم شيء يحترم، بس استخدامك لتضحياتهم علشان تهيني واحدة تانية اختارت إنها تكمل حياتها بالجواز ده تناقض وقلة عدل كل ست حرة تختار بطريقتها".
واستطردت: "فكرتك عن الأدب والاحترام مرتبطة بالصمت والكبت، لكن الحقيقة إن الأدب الحقيقي هو إننا نتكلم من غير ما نجرح، نحترم اختيارات بعض حتى لو مختلفة، وتبطل نحاكم الناس من بلكونة أخلاقنا الشخصية".
وأضافت: "أنا ما طلبتش من حضرتك تتابعيني ولا تشوفي حاجات "أسفل" زي ما قلتي، بس واضح إنك شفتي وفضلتي تتابعي فالسؤال هنا: هو أنا فعلًا اللي مستفزة ولا فيكي حاجة بتتواجه فجأة قدامي؟".
واختتمت أسما ردها قائلة: "وأخيرا، لو فعلاً عايزة تربي ولادك على الصح، فاعملي كده بالفعل مش بالكلام، لأن التربية تبدأ باحترام الآخرين مش بهدمهم".
صور نشرتها الفنانة على صفحتها الانستغرام -بدون كريدت
صور نشرتها الفنانة على صفحتها الانستغرام -بدون كريدت
من هنا وهناك
-
أصالة تستعيد ذكرياتها على مسرح خورفكان في حفلها بالشارقة
-
مارجو روبي تغوص في قصة حب شديدة التقلب في فيلم "وذرينج هايتس"
-
مها نصار تهاجم هند صبري وتتهمها بالغيرة والحقد
-
لجين عمران بالفضي وبلقيس ببدلة ذكورية: إطلالتان تعكسان الجرأة
-
محمد فراج يوجّه رسالة لبسنت شوقي: ‘أحلى ونس‘
-
نيللي كريم تتحدث عن المرض النفسي وخذلان الأصدقاء
-
روان بن حسين في أول ظهور لها بعد خروجها من السجن
-
لماذا تفضّل أحلام الأزياء المطرزة في إطلالاتها؟
-
ميمي جمال: حذفوني من بوستر ‘منّاعة‘... وهند صبري ترد
-
شمس الكويتية تنعى سيف الإسلام القذافي باكيةً
إعلانات
إعلانات
أرسل خبرا